अनलाइन ब्लगिङ्ग : रोजगारीको अवसर

पार्टटाइम वा फुलटाइम ब्लगिङ्ग गरेर आम्दानी गर्न सकिन्छ

0
532

तपाईको लेखहरु लेख्ने बानी छ भने त्यसलाई अनलाईनमा राख्नुहोस । Blog बनाएर वा Facebook Page बनाएर तपाईले आफ्नो लेखहरु सेयर गर्न सक्नुहुन्छ । साथ साथै यसैबाट पैसा पनि कमाउन सक्नुहुन्छ । यहाँ प्रस्तुत गर्न खोजिएको कुरा के हो भने नेपाली परिवेशमा बढिरहेको बेरोजगारी समस्या हल गर्नमा अनलाइन ब्लगिङ्गबाट केही हदसम्म सहयोग मिल्न सक्छ भन्ने हो । ब्लगिङ्ग वास्तवमै पैसा कमाउने एउटा भरपर्दो माध्यम बन्दै गइरहेको छ ।

हरेक कुरा परिर्वतनशील छ, समयको चक्रमा हरेक कुरा परिवर्तन हुँदै नयाँ रुप तथा स्वरुपमा परिणत हुँदै जान्छन् । त्यस्तै यो नियम इन्टरनेट जगतमा पनि लागू भयो । शुरुमा व्यस्त पश्चिमी मुलुकहरुमा बढ्दो अत्याधुनिक इन्टरनेट प्रविधी र फस्टाउदो अनलाइन व्यापारका कारण व्यापार व्यावसायको प्रचार प्रसारका लागि विभिन्न वेवसाइट तथा ब्लगहरु सिर्जना हुदै गए र विभिन्न अनलाइन विज्ञापन एजेन्सी तथा अनलाइन रोजगारी दिलाउने संस्थाहरु स्थापना हुँदै गए र सबै कुराहरुलाई व्यवस्थित गर्दै गुुगल अग्रणी स्थानमा उभिन सफल भयो ।

अनलाइन विज्ञापन तथा सर्च इन्जिनका रुपमा प्रस्तुत गुगलले आफ्ना सेवा सुविधाहरु प्रस्तुत गर्दै जाने क्रममा विभिन्न कार्यक्रमहरु ल्यायो जसले सबैको मन जित्दै गयो र अरुलाई पनि कमाउने आफू पनि कमाउने नीति अनुसार अगाडि बढ्दै गयो । जुन कुरा हामी www.blogger.com , www.blogspot.com, www.adsense.com, www.gmail.com तथा भिडियो साइट www.youtube.com बाट गर्न सक्छौ । Facebook ले पनि Google ले जस्तै हाल आएर Facebook Instant Articles मार्फत पैसा कमाउने अवसरहरु दिएको छ । यसबाहेक अन्य धेरै यस्ता स्रोतहरु पनि छन् ।

ब्लग के हो त ?
वास्तबमा कागजी पानामा लेखिने दैनिकी डायरीको अनलाइन रुप नै ब्लग हो, जसमा आफ्ना, समाज राष्ट्रका गतिविधीहरु एवम विचार भावना इत्यादि कुराहरु व्यक्त गरिन्छ । जुन विश्वका विभिन्न ठाउँबाट इन्टरनेट माध्यममा हेर्न सकिन्छ, जहाँ विश्वका हरेक ठाउँबाट सल्लाह सुझाव एवम् प्रतिक्रयाहरु बाड्न सकिन्छ । त्यसैले वेव माध्यममा लेखिने डायरी भएकोले यसलाई वेबब्लग भनियो जसको छोटकरी नाम ब्लग (Blog) हो ।

गुगल एडसेन्स (Google Adsense)
गुगल वेबमास्टर्सको विज्ञापन कार्यक्रम अन्तरगत एड्वार्ड भनिने कार्यक्रमको संयुक्त रुप नै एडसेन्स हो । एडवर्ड विज्ञापन नीति अन्तर्गत विज्ञापनदाताहरुले दिएको विज्ञापनलाई प्रचारप्रसारको क्रममा विभिन्न इन्टरनेट माध्यमहरुबाट जनमानसमा (बिभिन्न Website/Blog मार्फत) पु-याउने माध्यम हो । जसले वेवसाइट तथा ब्लग धनीहरुलाई एडवार्डबाट संकलित विज्ञापनहरु आफ्ना साइट तथा ब्लगहरुमा राख्ने अनुमति दिने कार्य गर्दछ ।

हामी कसरी आम्दानी गर्छौं त ?
साराशंमा भन्नुपर्दा गुगल डट कममा विज्ञापनदाताहरुले आफ्नो विज्ञापन विस्तार गर्न केही रकमहरु तिरिरहेका हुन्छन्, अनि जब हरेक पटक जुन विज्ञापनमा क्लिक गरिन्छ त्यतिबेला गुगलले त्यो विज्ञापनका लागि विज्ञापनदाताहरुले तिरेको पुर्वनिर्धारित रकमबाट केही प्रतिशत अंश छुट्याएर तिर्ने गर्दछ, पछि त्यो नै हाम्रो आम्दानी हुन्छ । ती एडवार्डहरु कस्ता हुन्छन भन्ने जानकारी लिनका लागि कुनै पनि बेला गुगल डट कममा कुनै पनि कुरा खोजी गरेर रिजल्ट पेजको दाहिने पटिको साइटमा हेर्न सक्नु हुन्छ ।

त्यसैगरी एडसेन्स कार्यक्रम एडवार्ड भन्दा बिल्कुलै फरक कार्यक्रम हो, जसले एडवार्ड विज्ञापनहरुलाई प्रचार प्रसार एवम् विस्तार गर्नका लागि तपाईं हामी जस्ता ब्लग तथा वेवसाइट संचालकहरुलाई ती आफ्ना साइट तथा ब्लगहरुमा प्रसारित गर्नका लागि अनुमति दिने काम गर्छ । अनि हाम्रो साइट तथा ब्लगहरुमा विज्ञापन राखिदिए वापत एडवर्ड ग्राहकहरुबाट गुगललाई तिरिएको रकमको केही रकम छुट्याउने गर्दछ । अर्को शब्दमा भन्नु पर्दा एडसेन्स पब्लिसर को हैसियतले तपाईंले गुगललाई ती एडवार्ड विज्ञापन प्रचारका लागि सहयोग पु-याउनु हुन्छ । हरेक पटक तपाईंको साइटमा त्यहाँ राखिएको गुगल विज्ञापनमा साइट भिजिटर्सले क्लिक गरे वापत प्राप्त हुने पुरा रकमको केही निश्चित प्रतिशत शेयर रकम चै तपाईंलाईं तिर्छ । त्यो नै हामीले गुगल एडसेन्स बाट कमाउने रकम हो । त्यो रकम कति हुन्छ भन्ने कुरा विज्ञापनको प्रकृतिमा भर पर्ने हुन्छ भने बढी रकम प्राप्त हुने विज्ञापन देखिने कुरा आफूले बनाएको साइट तथा ब्लगको सामाग्रीमा भर पर्दछ जसलाई अंग्रेजीमा कन्टेन्ट भनिन्छ ।

कन्टेन्ट अनुसारका विज्ञापनहरु देखिए भिजिटरहरुले बढी क्लिक गर्छन । यसरी बढी क्लिक हुनु भनेको आफ्नो आम्दानी पनि बढी हुँदै जानु हो । उदाहरणका लागि तपाईं कुनै चिया प्रोडक्ट सम्बन्धी ब्लगिङ्ग गर्नुहुन्छ अथवा नेपाल ट्रेकिङ्ग गाइड सम्बन्धी ब्लग तथा वेवसाइट चलाउनुहुन्छ भने जब तपाईंले एडसेन्स प्रोग्राममा सहभागी बन्नु हुन्छ त्यति बेला गुगलले केही script (कोड) उपलब्ध गराउँछ, जुन चाही तपाईंले आफ्नो साइट तथा ब्लगमा राख्नु पर्ने हुन्छ । तपाईंले त्यो कोड आफ्नो साइटमा राखीसकेपछि गुगलले आफ्नो अत्याधुनिक स्वचालित अनलाइन प्रविधिमार्फत अघि माथि उल्लेख गरिएको साइटको कन्टेन्ट पढ्छ र त्यो ब्लग तथा साइट के बारेमा हो भन्ने कुरा छुट्याइसके पछि त्यही अनुसारका विज्ञापनहरु डिस्प्ले गर्छ ।

सान्दर्भिक कन्टेन्टले भिजिटर ट्राफिक बढाउने काम गर्दछ भने सान्दर्भिक विज्ञापनले ती भिजिटरहरुलाई उक्त विज्ञापनमा क्लिक गराउने मौकामा वृद्धि गर्दछ । यसको मतलब तपाईंको आम्दानी बढ्नु हो । यसरी आम्दानी बढ्दै एकसय डलर पुगेपछि गुगलले चेक पठाउने गर्दछ । जुन चेक तपाईंले आफ्नो बैंक खातामा जम्मा गर्न सक्नु हुने छ । नेपालमा वेस्टर्न युनियन बाट पनि सिधै प्राप्त गर्न सकिन्छ ।

हाल आएर ब्लग अझै व्यापक रुपमा फैलिएको छ भने नेपालमा पनि दिन प्रति दिन विस्तार हुँदै गइरहेको छ । यो व्यक्तिगत एवम् व्यासायिक दुवै आम्दानीको राम्रो स्रोत बनेको छ । पार्टटाइम वा फुलटाइम ब्लगिङ्ग गरेर आफू तथा पारिवारिक खर्च धान्न समेत राम्ररी आम्दानी गर्न सकिन्छ, तर यसको लागि मेहनत र धैर्यता भने अवश्य चाहिन्छ ।

ब्लगिङ्गबाट अवस्य पनि मनग्गे आम्दानी गर्न सकिन्छ । योजनावद्ध रुपमा व्यवसायिक सोचले अगाडि बढ्नु जरुरी हुन्छ । जुन कुरालाई व्यवसायिक सोचमा लगाइन्छ र त्यो योजना अनुसार काम गरिन्छ भने फाइदा अवस्य हुन्छ । किनकी बाटोमा लडेको वियरको बोतललाई तेतिकै छोडिदिने भए त्यो फुट्छ अथावा माटोले पुरिदै जान्छ तर कुनै एउटा व्यक्ति त्यस्ता बोतलहरु भेला गरेर बेच्ने काम गर्छ भने उसले अवस्य आम्दानी गर्छ । त्यसैले ब्लगिङ्ग एडसेन्सलाई पनि व्यावसायिक रुपमा लिएर अगाडि बढौं । स्वरोजगार सिर्जना गरौं ।

Facebook Comments

comments

प्रतिक्रिया दिनुहोस

Please enter your comment!
Please enter your name here