औषधि खरिद ठप्प, बिरामीले सिटामोलसमेत पाएनन्

0
370

अन्नपूर्ण पोस्ट दैनिकले आज स्थानीय तहका लागि औषधि खरिद गर्न सरकारले २५ करोड विनियोजन गरे पनि समयमै पठाउन नसक्दा जिल्लामा औषधि अभाव भएको लेखेको छ ।

केन्द्रमा औषधि खरिदका लागि सरकारले एक अर्ब पाँच करोड रुपैयाँ विनियोजन गरेको छ । स्वास्थ्य तथा जनसंख्या मन्त्रालयले डेढ महिनादेखि विनियोजित रकम खर्च गर्न स्वास्थ्य सेवा विभागका महानिर्देशकलाई अख्तियारी दिएको छैन । विभाग अहिले निमित्तको भरमा चलिरहेको छ । निमित्त महानिर्देशकलाई पाँच लाख रुपैयाँसम्मको मात्र अख्तियारी हुन्छ । सबै जिल्लामा औषधि खरिद प्रक्रिया ठप्प हुँदा औषधि अभाव हुन थालेको हो ।

डेढ महिनायता विभागले औषधि खरिदका लागि न्यूनतम रकम पनि पठाउन नसक्दा जिल्ला अस्पतालमै औषधि अभाव छ । बजेट पठाउने अख्तियारी नपाउँदा सर्वसाधारण निःशुल्क औषधि पाउनबाट वञ्चित छन् ।

नागरिक दैनिकमा पनि स्वास्थ्य सेवा विभाग नेतृत्वविहीन हुँदा देशभर औषधि र खो अभाव भएको समाचार छ । नागरिक लेख्छ– स्वास्थय सेवा प्रवाहको प्रमुख निकाय स्वास्थय सेवा विभाग नेतृत्वविहीन बन्दा देशभर औषधि र खोपको अभाव हुने अवस्था आएको छ ।

विद्यार्थी तान्न ब्रान्ड चोरी

निजी विद्यालयले पछिल्लो समय विद्यार्थी आकर्षित गर्न स्थापित भइसकेका पुराना स्कुलसँग नाम जुधाएर नयाँ खोल्ने प्रवृत्ति मौलाउँदै गएको छ । विद्यार्थी तान्न अर्काको ब्रान्ड चोरेर विद्यालय खोल्दा पहिले नै चिनिएका स्कुल मारमा पर्छन् नै, विद्यार्थी र परीक्षार्थीसमेत आफूले अध्ययन गर्ने सक्कली शैक्षिक संस्था कुन हो भनेर दोधारमा पर्ने गरेको अन्नपूर्णमा समाचार छ ।

अन्नपूर्णका अनुसार महाराजगञ्जमा काठमाडौं भ्याली स्कुलको नाम चोरेर छाउनीमा अर्को काठमाडौं भ्याली स्कुल स्थापना भएको छ । दूरीका हिसाबले लामो भए पनि एउटा जिल्लामा पुरानो स्कुल सञ्चालनमा रहेका बेला त्यही नामको नयाँ स्कुल खोलिदिएको छ ।

Facebook Comments

comments

प्रतिक्रिया दिनुहोस

Please enter your comment!
Please enter your name here