दुबई प्रहरीले गर्‍यो अभिनेत्री श्रीदेवीको मृत्युको केस बन्द

0
531

बीबीसी । दुबई प्रहरीले बलिउड अभिनेत्री श्रीदेवी कपूरको शव उनको परिवारलाई हस्तान्तरण गर्दै उनको मृत्युको केस बन्द गरेको छ।

प्रहरीका अनुसार गत शनिवार चवन्न वर्षीया श्रीदेवीको मृत्यु अचेत भएपछि दुर्घटनावश डुबेर भएको थियो। उनलाई दुबईस्थित आफू बसेको एउटा होटलको बाथटबमा भेटिएको थियो।

यसअघि उनको मृत्युको कारण कार्डिएक अरेस्ट अर्थात् मुटुको चाल बन्द भएको बताइएको थियो। सुरक्षित राख्ने आवश्यक उपाय गरेपछि उनको शवलाई अन्तिम संस्कारका लागि भारत पठाइएको हो।

अन्त्येष्टिपूर्व उनलाई श्रद्धाञ्जली दिन मानिसहरू श्रीदेवीको मुम्बईस्थित घरबाहिर भेला भएका छन्। आफन्तको वैवाहिक कार्यक्रममा भाग लिन उनी सपरिवार दुबई गएकी थिइन्।

शवपरीक्षणको विवरण नआउँदासम्म दुबई प्रहरीले श्रीदेवीको शव राखेको थियो। अभियोजनकर्ताहरूका अनुसार उनको मृत्युको परिस्थितिसँग सम्बन्धित विस्तृत अनुसन्धान सम्पन्न भएको छ। तर शवपरीक्षणको पूर्ण विवरण सार्वजनिक भइसकेको छैन।

त्यसले प्रारम्भिक विवरणमा भनिएको कार्डिएक अरेस्ट र पछि भनिएको दुर्घटनावश डुबेर मृत्यु भएकोमा केही सम्बन्ध भए त्यसलाई स्पष्ट पार्ने अपेक्षा गरिएको छ।

श्रीदेवीले पाँच दशको अवधिमा झन्डै ३०० वटा चलचित्रमा अभिनय गरेकी थिइन्। कुनै अभिनेताको सहयोगविनै चलचित्रलाई सफल बनाउने क्षमता भएकी अभिनेत्रीका रूपमा उनलाई लिइन्थ्यो।

Facebook Comments

comments

प्रतिक्रिया दिनुहोस

Please enter your comment!
Please enter your name here