प्राधिकरणद्धारा अघोषित लोडसेडिङ् सुरु, उपभोक्ता मारमा

0
551

सर्लाही, माघ १९ । सर्लाहीमा केहीदिन यता अनियमित रुपमा विद्युत कटौती भैरहेको छ । अघोषित रुपमा विद्युत कटौती हुँदा उपभोक्ता मारमा परेका छन् ।

नेपाल विद्युत प्राधीकरणले बिना जानकारी जथाभावी लाइन काटेको गुनासो कालिन्जोर– ७ की रीता विश्वकर्माको छ ।

साँझ र बिहानपख लोडसेडिङ हुँदा घरेलु उपभोक्ता बढी समस्यामा परेका हुन् ।

नेपाल विद्युत प्राधीकरणको लालबन्दी, बरहथवा र मलंगवा तीनवटै वितरण केन्द्रमा यस्तो समस्या देखिएको गुनासो उपभोक्ताको छ ।

प्राधीकरणले भने बिग्रिएको समयमा मर्मतसम्भार गर्नुपर्दा बाहेक अरुबेला विद्युत कटौती नहुने दावी गरेको छ ।

लालबन्दी वितरण केन्द्रका प्रमुख इन्जिनियर विजय महतोले मर्मतसम्भार गर्दा वा विहान बेलुका एक ठाउँबाट अर्को ठाउँमा विद्युत लाइन जोड्नुपर्दा केहीबेर लोडसेडिङ हुने गरेको बताए ।

जिल्लामा धेरै विद्युत चोरी भैरहेकाले कुनै बेला विद्युत भार थेग्न नसकेर आफै लाइन काटिएको हुनसक्ने प्राविधिक बताउँछन् ।

Facebook Comments

comments

प्रतिक्रिया दिनुहोस

Please enter your comment!
Please enter your name here