मोबाईल र इन्टरनेटका कारण पुस्तक प्रतिको मोह घट्दै

0
512

काठमाडौं, १७ माघ । २\३ वर्षअघिसम्म नेपाल प्रज्ञा प्रतिष्ठानले आयोजना गर्ने पुस्तक प्रदर्शनीमा अपेक्षा गरेभन्दा बढी अवलोकनकर्ता आउँथे । तर, त्यसयता भने पुस्तक प्रदर्शनीमा पाठकहरुको सहभागिता न्यून हुँदै गएको छ । त्यसको एउटा ज्वलन्त उदाहरण हो, हालै प्रतिष्ठानले आयोजना गरेको १ महिने पुस्तक प्रदर्शनीमा पाठकको आगमन । जहाँ प्रतिष्ठानले अपेक्षा गरेभन्दा निकै कम सहभागि आए । अहिलेको पुस्ता बढी मोबाईल तथा इन्टरनेटमा रमाउने हुँदा पुस्तकप्रतिको मोह घटेको देखिन्छ ।

सुरुमा १५ दिनका लागि भनेर सुरु गरिएको प्रदर्शनीमा पाठकको सहभागिता निराशाजनक भएपछि प्रतिष्ठानले १५ दिन थप गर्यो । तर पनि अपेक्षा गरेजति पाठक आएनन् । प्रदर्शनीमा २०३० सालदेखि २०७४ माघको पहिलो सातासम्म प्रकाशित पुस्तकहरु, भाषा, साहित्य, जर्नल, समालोचना, शब्दकोष, संस्कृति, विज्ञानलगायतका झन्डै ४ सय बढी पुस्तक राखिएको छ । तर, पुस्तक प्रदर्शनीमा जति पुस्तक विक्रि भए, तीमध्ये बढी चाहिँ कला सस्कृतिसँग सम्बन्धित पुस्तक विक्रि भएका छन् ।

प्रदर्शनीमा ४ रुपैयाँ देखि १४ सय रुपैयाँसम्म मुल्य पर्ने पुस्तक राखिएको छ । नेपाली शब्दकोषमा १५ प्रतिशत, २०६७ साल सम्मका पुस्तकमा ६० प्रतिशत र २०६७ साल देखि हाल सम्मका पुस्तकमा ४० प्रतिशत छुटको व्यवस्था गरिएको छ । तर, विगतको तुलनामा पाठकको आगमन निकै कम भएकाले यसपटक पुस्तकको विक्रि पनि न्यून देखिन्छ ।

Facebook Comments

comments

प्रतिक्रिया दिनुहोस

Please enter your comment!
Please enter your name here