योनेक्स सनराइज नेपाल इन्टरनेसनल सिरिज ब्याड्मिन्टन प्रतियोगितामा नेपाल स्वर्ण पदकविहीन

0
410

काठमाडौं- दीपेश धामी र शोभा गौचनको जोडी शनिबार फाइनलमा भारतका भी डेभलेकर र हारिका भेलुधुर्तीको जोडीसँग २१–१५, २१–७ को नतिजामा पराजित भएपछि योनेक्स सनराइज नेपाल इन्टरनेसनल सिरिज ब्याड्मिन्टन प्रतियोगितामा नेपाल स्वर्ण पदकविहीन भएको छ ।
पाँच स्पर्धा समावेश प्रतियोगिताको यही एक स्पर्धामा मात्र नेपाल फाइनल पुगेको थियो । तर आइतबार त्रिपुरेश्वरस्थित दशरथ रंगशाला कभर्डहलमा भारतीय प्रतिद्वन्द्वीसँग सोझो सेटमा निराश भएपछि दीपेश र शोभाको जोडी रजत पदकमा सीमित भयो ।
भारतीय खेलाडीले पुरुष एकल र महिला युगलमा स्वर्ण पदक जित्दा महिला एकलको उपाधि हङकङकी डेङ जोए जुआनले जितिन् । पुरुष युगलको उपाधि भने सिंगापुरको जोडीले जित्यो ।
भारतका एस जैसवालले आफ्नै देशका एल साराङमाथि २१–१०, २१–१० को सोझो सेटमा हराउँदै पुरुष एकलको स्वर्ण पदक कब्जा गर्दा अर्पणा बालन र श्रुति केपीको जोडीले आफ्नै देशका एच भेलुधुर्ती र करिस्मा वाडकरको जोडीमाथि २१–८, २१–९ को नतिजामा हराउँदै महिला युगलको स्वर्ण पदक जिते ।
यसै गरी पुरुष युगलको फाइनलमा सिंगापुरका डी क्रिस्नान्ता र ही योङ काई टेरीको जोडीले मलेसियाका लिन सेर्न लान वोङ र ची तिन तानको जोडीमाथि २२–२०, १४–२१, २१–१६ को नतिजामा पराजित गर्यो ।

Facebook Comments

comments

प्रतिक्रिया दिनुहोस

Please enter your comment!
Please enter your name here